ڈیرہ اسماعیل خان میں جمعہ کو مسلسل دوسرے دن خوفناک حادثے کے نتیجے میں 7 افراد جاں بحق اور 2 زخمی ہوگئے۔ رپورٹ کے مطابق ڈی آئی خان میں ضلع کرم میں گاڑی گہری کھائی میں گر گئی، جس میں 7 افراد جاں بحق اور 2 زخمی ہو گئے۔ ابتدائی اطلاعات کے مطابق گاڑی سینٹرل کرم میں سفر کے دوران کھائی میں گری۔واقعے کی اطلاع ملتے ہی مقامی پولیس جائے حادثہ پر پہنچی جب کہ مقامی لوگوں نے بھی اپنی مدد آپ کے تحت امدادی سرگرمیاں شروع کیں۔واضح رہے کہ گزشتہ روز ڈی آئی خان کی تحصیل پہاڑ پور میں چشمہ روڈ پر ہولناک ٹریفک حادثے میں ایک خاتون سمیت 5 افراد جاں بحق ہو گئے تھے۔ادھر دیر لوئر کے علاقے نگری پائین تالاش سے تعلق رکھنے والا نوجوان امجد ولد محمد امین، اپنی شادی کے دن موٹر سائیکل حادثے شکار ہوکر جان بحق ہوگیا۔ متوفی کی آج شادی تھی۔ حادثے کے بعدشادی کا گھر ماتم میں بدل گیا۔ لاش گھر پہنچنے پر پورے علاقے میں کہرام مچ گیا۔

کریڈٹ: انڈیپنڈنٹ نیوز پاکستان-آئی این پی