جلالپورپیروالا میں سیلاب متاثرین کی ایک اور کشتی الٹ گئی،مقامی افراد نے 19 لوگوں کو زندہ بچالیا، 8افراد تاحال لاپتہ ہیں۔ تفصیلات کے مطابق جلالپورپیروالا کے علاقے موہانا سندیلہ میں ایک اور کشی ڈوبنے کا واقعہ گزشتہ شب پیش آیا، کشتی میں 28افراد سوار تھے،مقامی افراد نے 19 افراد کو زندہ بچا لیا جبکہ 8 افراد ابھی تک لاپتہ ہیں۔ پولیس حکام کاکہنا ہے کہ لاپتہ افراد کی تلاش کے لیے ریسکیو آپریشن جاری ہے،چارسال کے سلمان کی لاش نکال کر اسپتال منتقل کردی گئی ہے۔ پولیس کاکہنا ہے کہ سیلاب متاثرین ریسکیوامداد نہ ملنے پرپرائیویٹ کشتی پرشہرآرہے تھے۔ واضح رہے گزشتہ رات چند گھنٹوں میں کشتی الٹنے کے 2 واقعات رونما ہوئے۔

کریڈٹ: انڈیپنڈنٹ نیوز پاکستان-آئی این پی