سابق وزیر اطلاعات فواد چوہدری نے کہا ہے کہ پی ٹی آئی ورکر فلک جاوید کی دو روز قبل جعلی ویڈیو کے مقدمے میں گرفتاری پر ردعمل دیتے ہوئے کہا ہے کہ جو بھی ضمیر رکھتا ہے وہ اس معاملے میں عظمی بخاری کے ساتھ کھڑا ہوگا۔ فواد چوہدری نے ایکس (سابقہ ٹوئٹر)پر جاری پیغام میں کہا خواتین رہنمائوں جیسے بشری بی بی ، علیمہ خان اور مریم نواز شریف اور دیگر کو سوشل میڈیا کے غلط استعمال سے قانونی تحفظ ملنا چاہیے، میں نے کافی عرصہ پہلے پی ایم ڈی اے کو تجویز دی تھی لیکن سیٹھ میڈیا نے شہریوں کو سوشل میڈیا کے غلط استعمال سے بچانے کے اس منصوبے کی راہ میں رکاوٹ ڈالی۔ ابھی بھی اصل حل پی ایم ڈی اے ہے، فوجداری قوانین نہیں، میں تمام سیاسی جماعتوں خصوصا مسلم لیگ ن سے اپیل کرتا ہوں کہ وہ سوشل میڈیا ٹیموں کی سیاسی مخالفین کی توہین اور تذلیل کی سرپرستی نہ کریں، آپ اپنے گھر میں سانپ پال کر خود کو محفوظ نہیں رکھ سکتے۔

کریڈٹ: انڈیپنڈنٹ نیوز پاکستان-آئی این پی