جڑواں شہروں راولپنڈی ،اسلام آباد میں چینی بحران شدید ہو گیا ، پنجاب کے دیگر شہروں اٹک، چکوال، تلہ گنگ میں بھی چینی نایاب ہونے سے عوام پریشان ہو گئے ۔حکومتی دعوں کے باوجود مارکیٹوں سے چینی غائب ہے، ہول سیل اور پرچون کی دکانوں پر چینی کا اسٹاک موجود نہیں ، ملز مالکان کا کہنا ہے کہ ان کا اسٹاک ختم ہو چکا ہے اس لیے سپلائی بند ہو گئی ہے۔جڑواں شہروں میں پرچون میں چینی 190 سے 200 روپے کلو میں فروخت ہو رہی ہے، جب کہ ہول سیل میں 50 کلو چینی کا تھیلا 9300 روپے تک پہنچ گیا ہے۔دوسری طرف ضلعی انتظامیہ کا چینی سستی کرانے کے لیے آپریشن جاری ہے، اور دکان داروں پر بھاری جرمانے کیے جا رہے ہیں۔

کریڈٹ: انڈیپنڈنٹ نیوز پاکستان-آئی این پی