وزیر مملکت نے کہا کہ حسن کی وفات کا شدید دُکھ ہے اور حسن کی وفات رائیگاں نہیں جائے گی۔ انُہوں نے جانبحق پورٹر  حسن کی فیملی  کو حکومت کی جانب سے ہر قسم کی مدد کرنے کا یقین دلاتے ہوئے اُن کی بیوہ کے لئے نوکری، تینوں پچوں کے تعلیمی اخراجات اور والدہ کی علاج کے تمام اخراجات حکومت کی طرف سے دینے کا اعلان کیا۔ وزیر مملکت نے کہا  کہ پورٹرز کے لیے انشورنس کو یقینی بنا رہے جو کم از کم تیس لاکھ روپے ہو گی۔ یاد رہے کہ پہلی مرتبہ پورٹرز کی فلاح و تربیت کے باقاعدہ اقدام اٹھائے جا رہے ہیں۔ اس کے علاوہ اُن کےلئے ٹریننگ سنٹر اور ان کے تربیتی نصاب پر کام شروع کر دیا گیا ہے۔وزیر مملکت وصی شاہ نے مزید کہا کہ جب بھی پورٹرز کے لیے تربیتی سنٹر کا افتتاح ہو گا تو اس روز محمد حسن مرحوم کی فیملی افتتاح کرنے والوں میں شامل ہوگی۔ حسن کی فیملی ،معززین اور  صحافیوں نے وزیر مملکت برائے سیاحت وصی کا شکریہ ادا کیا اور کہا کہ پہلی دفعہ وفاقی حکومت کا کوئی نمائندہ یہاں آ کر ہمارے غم میں شریک ہوا۔ جس پر وصی شاہ نے کہا شکریہ کی کوئی ضرورت نہیں یہ میرا فرض ہے

کریڈٹ: انڈیپنڈنٹ نیوز پاکستان-آئی این پی