سینیٹ کی قائمہ کمیٹی برائے خزانہ آج مہمند ڈیم کے متاثرین کو معاوضوں کی عدم ادائیگی اوربنک الحبیب فیصل آباد میں پانچ ارب روپے کے فراڈ کا جائزہ لے گی۔کمیٹی کا اجلاس آج بدھ کو دن بارہ بجے سینیٹر سلیم مانڈوی والا کی صدارت میں پارلیمنٹ ہائوس کے کمیٹی روم نمبر دو میں منعقد ہوگا۔کمیٹی آٹھ نکاتی ایجنڈے پر غو ر کرے گی جس میں سرفہرست مہمند ڈیم کے متاثرین کو معاوضوں کی عدم ادائیگی اوربنک الحبیب فیصل آباد میں پانچ ارب روپے کے فراڈ کا معاملہ شامل ہے۔مہمند ڈیم کا معاملہ سینیٹر ہلال الرحمن نے سینیٹ اجلاس میں اٹھایا تھا۔اس کے علاوہ سولر پینل درآمد کنندگان کی طرف سے بڑے پیمانے پر منی لانڈرنگ کا معاملہ بھی زیر غور آئیگا اور گورنر سٹیٹ بنک اور چئیرمین ایف بی آر اس حوالے سے کمیٹی کو بریفنگ دیں گے۔بھاری شرح سود کے تاجر برادری پر منفی اثرات کا معاملہ بھی زیر غور آئیگا۔انسانی حقوق کی پالیسیوں کے متعلق پاکستانی بنکوں کی کم سکورنگ کا جائزہ لیا جائیگا۔سیکرٹری خزانہ بھی اجلاس میں شرکت کریں گے ۔کمیٹی کے اراکین میں سینیٹر شیری رحمن ،سینیٹر فاروق نائیک،سینیٹر مصدق ملک ،سینیٹر سعدیہ عباسی ،سینیٹر زیشان خانزادہ،سینیٹر محسن عزیز ،سینیٹر فیصل سلیم،سینیٹر شبلی فراز،سینیٹر کامل علی آغا،سینیٹر فیصل سبزواری،سینیٹر طلحہ ،سینیٹر دلاور خان،سینیٹر منظور احمداور سینیٹر ہلال الرحمن شامل ہیں۔

کریڈٹ: انڈیپنڈنٹ نیوز پاکستان-آئی این پی