خیبرپختوانخوا اسمبلی کے نومنتخب ارکان نے حلف اٹھا لیا، اسپیکر مشتاق غنی نے حلف اٹھایا،کے پی اسمبلی کے اسپیکر کے انتخاب کے لیے پولنگ (آج) ہوگی،خیبرپختوانخوا اسمبلی کے اجلاس سے قبل شدید بے نظمی دیکھنے میں آئی۔ گنجائش سے زیادہ افراد اسمبلی کی گیلری میں پہنچ گئے،مسلم لیگ ن کی خاتون رکن ثوبیہ شاہد پر لوٹا، بوتلیں اوردیگر سامان پھینک دیا گیا ،مسلم لیگ (ن)کی کارکن ثوبیہ شاہد ایوان میں کھڑے ہو کر ہاتھ میں پہنی جانے والی گھڑی دکھا رہی تھیں کہ اسمبلی میں موجود پی ٹی آئی کے کارکنوں نے ان پر خالی بوتل، جوتا، بال پین اور لوٹا پھینکا تاہم ثوبیہ جاوید مسلسل گھڑی دکھاتی رہیں۔ اس دوران اسمبلی میں موجود پی ٹی آئی کارکنان نے شدید نعرے بازی بھی کی۔نامزد وزیراعلی کے پی علی امین گنڈا پور عمران خان کی تصویر کے ساتھ ایوان میں پہنچے۔ عمران خان نے اسپیکر کے پی اسمبلی کے لیے بابر سلیم سواتی کو نامزد کردیا۔ اسد قیصر کے بھائی کو نامزد نہیں کیا گیا۔ذرائع کے مطابق اسد قیصر اپنے بھائی کے لیے عمران خان سے منظوری لائے تھے ، اجلاس میں خیبرپختونخوا اسمبلی کے 115اراکین نے حلف اٹھایا۔ کے پی اسمبلی کے اسپیکر کے انتخاب کے لیے پولنگ (آج) ہوگی۔ نو منتخب اسمبلی کے افتتاحی اجلاس کے لیے سیکورٹی کے سخت انتظامات کیے گئے تھے۔

کریڈٹ: انڈیپنڈنٹ نیوز پاکستان-آئی این پی