خیبرپختونخوا کے مختلف دریائوں میں نچلے درجے کا سیلاب ریکارڈ کیا گیا ہے۔ فلڈ سیل کی جاری رپورٹ کے مطابق صوبے کے بڑے آبی ذخائر اور دریا خطرناک سطح سے نیچے ہیں، تاہم پانی کے بہا ئو میں مسلسل اضافہ ہو رہا ہے۔تربیلا ڈیم میں پانی کی آمد دو لاکھ 87 ہزار کیوسک جبکہ اخراج ایک لاکھ 55 ہزار 200 کیوسک ریکارڈ کیا گیا ہے۔ دریائے سندھ میں خیرآباد کے مقام پر پانی کا بہا دو لاکھ چھ ہزار آٹھ سو کیوسک تک پہنچ چکا ہے، جو کہ نچلے درجے کے سیلاب کی علامت ہے۔رپورٹ کے مطابق دریائے ادیزئی میں پانی کا بہا ئو39 ہزار 100 کیوسک ریکارڈ کیا گیا، جب کہ دریائے کابل میں نوشہرہ کے مقام پر پانی کا بہا ئو51 ہزار 100 کیوسک اور ورسک کے مقام پر 42 ہزار 21 کیوسک ہے۔ دونوں مقامات پر نچلے درجے کا سیلاب موجود ہے۔اسی طرح دریائے سوات میں بھی پانی کے بہا ئومیں اضافہ دیکھا گیا ہے، جہاں چکدرہ کے مقام پر 10 ہزار 213 کیوسک اور خوازہ خیلہ میں 8 ہزار 662 کیوسک کا بہا ریکارڈ کیا گیا ہے۔فلڈ سیل نے مقامی انتظامیہ کو الرٹ رہنے اور ممکنہ ہنگامی صورت حال سے نمٹنے کے لیے حفاظتی اقدامات یقینی بنانے کی ہدایت جاری کر دی ہے۔ عوام سے بھی اپیل کی گئی ہے کہ وہ دریائوں کے کنارے غیر ضروری نقل و حرکت سے گریز کریں۔

کریڈٹ: انڈیپنڈنٹ نیوز پاکستان-آئی این پی