خیبرپختونخوا کے مختلف دریائو ں میں نچلے درجے کا سیلاب ریکارڈ کیا گیا ہے۔ محکمہ فلڈ سیل کی تازہ رپورٹ کے مطابق دریائوں میں پانی کا بہا تاحال کنٹرول میں ہے، تاہم متعلقہ اداروں کو الرٹ کر دیا گیا ہے۔رپورٹ کے مطابق تربیلا ڈیم میں پانی کی آمد 2 لاکھ 68 ہزار کیوسک جبکہ اخراج 1 لاکھ 51 ہزار 100 کیوسک ہے۔ پانی کی سطح میں مسلسل اضافہ نوٹ کیا جا رہا ہے۔دریائے ادیزئی میں نچلے درجے کے سیلاب کی صورتحال ہے، جہاں پانی کا بہا 39 ہزار 800 کیوسک تک پہنچ گیا ہے۔ دریائے سندھ میں خیر آباد کے مقام پر پانی کا بہائو 2 لاکھ 6 ہزار 700 کیوسک ریکارڈ کیا گیا ہے۔دریائے کابل میں نوشہرہ کے مقام پر پانی کا بہائو 51 ہزار 100 کیوسک اور ورسک کے مقام پر 36 ہزار 522 کیوسک ریکارڈ کیا گیا، جو کہ معمول کے مطابق ہے۔اسی طرح دریائے سوات میں بھی پانی کی سطح میں معمولی اضافہ دیکھا گیا ہے، جہاں چکدرہ کے مقام پر بہائو 9 ہزار 785 کیوسک اور خوازہ خیلہ میں 6 ہزار 738 کیوسک ہے۔فلڈ سیل کا کہنا ہے کہ فی الحال خطرے کی کوئی بات نہیں، تاہم محکمہ آبپاشی، ضلعی انتظامیہ اور ریسکیو اداروں کو الرٹ کر دیا گیا ہے تاکہ کسی بھی ممکنہ صورتحال سے نمٹا جا سکے۔عوام کو مشورہ دیا گیا ہے کہ وہ دریا کنارے غیر ضروری نقل و حرکت سے گریز کریں اور مقامی انتظامیہ کی ہدایات پر عمل کریں۔

کریڈٹ: انڈیپنڈنٹ نیوز پاکستان-آئی این پی