خیبرپختونخوا میں پاک فوج کا فلڈ ریلیف آپریشن جاری ہے، بونیر، سوات، شانگلہ اور صوابی میں فلڈ ریلیف آپریشن کاساتواں روز ہے۔تفصیل کے مطابق کور آف انجینئرز کے دستے راستے کھولنے اور ملبہ ہٹانے میں مصروف ہیں، پاک فوج کے ہیلی کاپٹرز میں راشن اور دیگر سامان مہیا کیا جا رہا ہے۔سیلاب زدہ علاقوں سے لوگوں کو محفوظ مقامات پر منتقل کیا جا رہا ہے، اربن سرچ اینڈ ریسکیو ٹیم بھی ملبے سے زخمیوں، لاشوں کو ڈھونڈنے میں مصروف عمل ہے۔پاک فوج کی میڈیکل ٹیموں کی جانب سے متاثرہ علاقوں میں مریضوں کا مفت علاج کیا جارہا ہے، سیلاب زدگان کی بحالی اور مکمل ریسکیو تک پاک فوج کا ریسکیو مشن جاری رہے گا۔

کریڈٹ: انڈیپنڈنٹ نیوز پاکستان-آئی این پی