خیرپور میں گزشتہ شب اغوا ہونیوالے 12 افراد کو پولیس نے کامیاب آپریشن کے بعد بازیاب کرالیا، بازیاب افراد میں 3 کا تعلق سکھر اور 9 کا خیرپور سے ہے۔ایس ایس پی سکھر اظہر خان کے مطابق خیرپور سے گزشتہ شب اغوا کیے گئے 12 افراد کو پولیس نے باگڑجی کے علاقے میں کامیاب آپریشن کے بعد بازیاب کرالیا، ڈاکو مغویوں کو ایک جگہ سے دوسری جگہ منتقل کر رہے تھے۔انہوں نے بتایا کہ پولیس کو دیکھ کر ڈاکوں نے فائرنگ کردی، تاہم پولیس کی بروقت کارروائی کے نتیجے میں 12 افراد کو بازیاب کرالیا گیا، بازیاب 3 مغویوں کا تعلق سکھر اور 9 کا خیرپور سے ہے،واضح رہے کہ گزشتہ رات ڈاکوں نے سکھر اور خیرپور کے لنک روڈز سے 12 افراد کو اغوا کرلیا گیا، بعد ازاں مغویوں کی ویڈیو بھی وائرل کردی گئی تھی۔

کریڈٹ: انڈیپنڈنٹ نیوز پاکستان-آئی این پی