دبئی میں پی آئی اے سیلز منیجر کیخلاف خواتین کو ہراساں کرنے کی تحقیقات کا آغاز کر تے ہوئے انہیں فوری عہدے سے ہٹادیا گیا ۔تفصیل کے مطابق دبئی میں پی آئی اے سیلز منیجر کیخلاف خواتین کو ہراساں کرنے کی تحقیقات شروع کردی گئی۔پی آئی اے انتظامیہ نے ریجنل سیلزمنیجرذیشان احمد کیخلاف تحقیقات کی تصدیق کردی، دبئی کے جنرل سیلزایجنٹ دناتاکی جانب سیپی آئی اے کو شکایت پر انتظامیہ نے نوٹس لیا۔ ترجمان نے بتایا کہ ریجنل سیلزمنیجر کی خاتون ملازم کو ہراساں کرنے کی متعددشکایات ملیں جبکہ دبئی کی ایک خاتون نے بھی ذیشان کیخلاف وفاقی محتسب برائے ہراسگی کو درخواست دے رکھی ہے۔ ترجمان کا کہناتھا کہ پی آئی اے نے فوری ایکشن لے کر ریجنل سیلزمنیجرکودبئی سے ہٹادیا ہے تاہم معاملے کی تحقیقات کی جارہی ہیں دعوی ثابت ہونے پرمزید کارروائی کی جائے گی۔

کریڈٹ: انڈیپنڈنٹ نیوز پاکستان-آئی این پی