بلوچستان کے ضلع قلات اور گردونواح میں زلزلے کے جھٹکے محسوس کئے گئے جن کی شدت ریکٹر سکیل پر 4.4 ریکارڈ کی گئی۔زلزلہ پیماہ مرکز کے مطابق زلزلے کا مرکز قلات سے 43 کلومیٹر جنوب میں واقع تھا جبکہ اس کی زیر زمین گہرائی 40 کلومیٹر تھی، زلزلے کے جھٹکے قلات اور قریبی علاقوں میں واضح طور پر محسوس کئے گئے، جس کے باعث شہریوں میں خوف و ہراس پھیل گیا اور لوگ گھروں سے باہر نکل آئے۔تاحال کسی قسم کے جانی یا مالی نقصان کی کوئی اطلاع موصول نہیں ہوئی، مقامی انتظامیہ اور ریسکیو ادارے صورت حال پر نظر رکھے ہوئے ہیں اور کسی بھی ہنگامی صورتحال سے نمٹنے کے لئے تیار ہیں۔

کریڈٹ: انڈیپنڈنٹ نیوز پاکستان-آئی این پی