سندھ کے ضلع کشمور کے کچے کے علاقے میں پولیس اور رینجرز کے جرائم پیشہ عناصر کے خلاف مشترکہ آپریشن میں دو خطرناک ڈاکو ہلاک اور تین زخمی ہو گئے۔ ہلاک ڈاکوئوں کی شناخت عبدالرزاق اور عبدالفتح چولیانی کے نام سے ہوئی ہے، جو بدنامِ زمانہ چولیانی گینگ سے تعلق رکھتے تھے۔ایس ایس پی کشمور کے مطابق کارروائی کے دوران فورسز اور ڈاکوں کے درمیان وقفے وقفے سے شدید فائرنگ کا تبادلہ ہوا۔ پولیس نے جدید اسلحے کے ساتھ ساتھ ڈرون ٹیکنالوجی بھی استعمال کی، جس سے آپریشن کی نگرانی اور ڈاکوں کی نقل و حرکت پر قابو پانے میں مدد ملی۔پولیس نے کچے کے علاقے کا مکمل محاصرہ کر لیا ہے جبکہ مزید نفری کو بھی طلب کر لیا گیا ہے تاکہ علاقے کو کلیئر کیا جا سکے۔ ایس ایس پی کشمور کا کہنا ہے کہ چولیانی گینگ کے خلاف جاری آپریشن جلد منطقی انجام تک پہنچے گا اور ضلع بھر میں امن و امان کی صورتحال مکمل بحال کی جائے گی۔ڈاکوئوں کے خلاف آپریشن تاحال جاری ہے اور سیکیورٹی فورسز علاقے میں مکمل طور پر الرٹ ہیں۔

کریڈٹ: انڈیپنڈنٹ نیوز پاکستان-آئی این پی