8فروری کو ہونے والے قومی انتخابات کا تیسرا اہم مرحلہ شروع ہوگیا۔ کاغذات نامزدگی مسترد ہونے کے خلاف امیدواروں نے اپیلیں دائر کرنے شروع کر دیں،اپیلیں یکم جنوری سے 3جنوری یعنی بدھ تک دائر کی جاسکیں گی۔ سابق وزیراعظم عمران خان اور سابق وزیر داخلہ شیخ رشید احمد بھی اپیل دائر کریں گے،ہائی کورٹس میں امیدواروں کی اپیلوں کی وصولی کے لئے خصوصی سیل بنا دیا گیا ہے،ریٹرننگ افسران کی طرف سے کاغذات نامزدگی مسترد کرنے کے تحریری مصدقہ فیصلے جاری کردیے گئے ہیں ۔ ہائی کورٹ ٹربیونلز دس جنوری تک تمام اپیلوں کے فیصلے کریں گے،ریٹرننگ افسران 11جنوری کو امیدواروں کی نئی لسٹ جاری کریں گے12جنوری تک کاغذاتِ نامزدگی واپس لیے جا سکتے ہیں اور 13جنوری کو امیداروں کو انتخابی نشان الاٹ کیے جائیں گے۔ خواتین اور اقلیتوں کی مخصوص نشستوں کے کاغذات کی جانچ پڑتال 13جنوری تک ہوگی.

کریڈٹ: انڈیپنڈنٹ نیوز پاکستان-آئی این پی