تحریک تحفظ آئین پاکستان نے قومی کانفرنس کے انعقاد کے حوالے سے پیپلز پارٹی سے بھی رابطہ نہ کرنے کا فیصلہ کیا ہے ۔تحریک تحفظ آئین پاکستان کے زیر اہتمام دوروزہ قومی کانفرنس کا انعقاد آج (ہفتہ ) سیخیبرپختونخوا ہائوس اسلام آباد میں ہو نا ہے تاہم اپوزیشن اتحاد نے پیپلز پارٹی سے رابطہ نہ کرنے کا فیصلہ کیا ہے۔ذرائع کے مطابق اپوزیشن الائنس پیپلز پارٹی سے رابطے کے فیصلے سے پیچھے ہٹ گئی، اس سے قبل اپوزیشن الائنس نے پیپلز پارٹی سے رابطے کا فیصلہ کیا تھا۔ذرائع کے مطابق اپوزیشن اتحاد کی جانب سے قومی کانفرنس میں صرف مخصوص سیاسی جماعتوں کو مدعو کیا جائے گا، پیپلز پارٹی کو قومی کانفرنس میں شرکت کیلئے کوئی دعوت نامہ نہیں بھیجا جا رہا۔ذرائع کے مطابق کانفرنس کے دوران ملک میں آئینی تحفظ، سیاسی ہم آہنگی اور دیگر متعلقہ امور پر بات چیت کی جائے گی۔ کانفرنس میں شریک جماعتوں کے نمائندے مل کر آئینی اور سیاسی امور پر سفارشات مرتب کریں گے۔

کریڈٹ: انڈیپنڈنٹ نیوز پاکستان-آئی این پی