کوہستان اسکینڈل میں گرفتار ٹھیکیدار کو عدالت نے 7 روزہ جسمانی ریمانڈ پر نیب کے حوالے کردیا۔ گرفتارکنٹریکٹر فضل رحیم کو احتساب عدالت میں پیش کیا گیا ، جہاں تفتیشی افسر نے عدالت سے ملزم کی 14روزہ جسمانی ریمانڈ کی استدعاکی، جس پر عدالت نے ملزم کو 7روزہ جسمانی ریمانڈ پر نیب کے حوالے کردیا ۔نیب پراسیکیوٹر نے عدالت میں موقف اختیار کیا کہ ملزم نے کوہستان میگا اسکینڈل میں 30کرور روپے کی بینک ٹرانزیکشن کی ہے۔ملزم کے بینک ٹرانزیکشن کے علاوہ غیر قانونی اثاثوں کا کھوج بھی لگایا گیا ہے۔ ملزم کو 19جولائی کو کوہستان سے گرفتار کیاگیاتھا۔واضح رہے کہ کوہستان میگا اسکینڈل میں اب تک 10 ملزمان کو گرفتار کیا جا چکا ہے۔

کریڈٹ: انڈیپنڈنٹ نیوز پاکستان-آئی این پی