راشد منہاس روڈ پر واقع شاپنگ مال میں پیش آئے خوفناک آتشزدگی کے واقعے کے 18 روز کیبعد تحقیقاتی کمیٹی نے اپنی رپورٹ مرتب کرلی۔ رپورٹ میں بتایا گیا کہ شاپنگ مال میں آگ بجلی کی تاریں اسپارک کرنے سے لگی اور ناقص معیارکی الیکٹریکل اورفالس سیلنگ تنصیبات سے آتشزدگی پھیلی، آگ چوتھی منزل پر واقعے کیفے ٹیریا میں لگی تھی۔ شاپنگ مال میں فائرایگزٹ اورہنگامہ حالات سے نمٹنے کے لیے آلات نہ ہونے کے باعث زیادہ نقصان ہوا،بلڈرنے عمارت میں تعیمراتی کا مکمل ہونے کا سرٹیفیکیٹ حاصل نہیں کیا۔ فیصل کنٹونمنٹ بورڈ نے بھی عمارت کی تکمیل اورفائرسیفٹی سسٹم موجود ہونے کی یقین دہانی نہیں کی، عمارت کی چوتھی منزل پر لفٹ کو بہترایئرکنڈیشنگ کیلئے سیل کر دیا گیا تھا۔ عمارت میں آتشزدگی سے ہونے والے نقصان کی ذمہ دار بلڈنگ کا مالک، انتظامیہ،اے آئی فانڈیشن پرعائد ہوتی ہے، رپورٹ میں شاپنگ مال کے مالک، انتظامیہ،اے اینڈ آئی فانڈیشن کے خلاف قانونی چارہ جوئی کی سفارش کی گئی ہے۔

کریڈٹ: انڈیپنڈنٹ نیوز پاکستان-آئی این پی