کراچی کے علاقے اورنگی ٹائو ن گبول کالونی میں اسکول کی سیڑھیوں سے گر کر زخمی ہونے والی لڑکی دم توڑ گئی۔ پولیس کے مطابق بچی کے والدین پہلے تھانے گئے لیکن قانونی کارروائی سے انکار کیا تھا، اسکول انتظامیہ اور والدین کے درمیان باہمی طور پر معاملہ حل ہوگیا تھا لیکن انتقال کے بعد والدین اب اسکول انتظامیہ کے خلاف قانونی کارروائی چاہتے ہیں۔پولیس حکام کا کہنا ہے کہ اہلخانہ نے تیسری منزل سے گرنے کا بیان دیا تھا، پرنسپل نے علاج کے لیے مالی مدد کی یقین دہانی کروائی تھی لیکن بعد میں مکر گیا تھا۔پولیس کے مطابق نویں جماعت کی طالبہ تین سال سے اسی اسکول میں پڑھ رہی تھی۔اسکول پرنسپل کا کہنا ہے کہ بچی چھت کی سیڑھیوں سے گری جس کے بعد اسپتال منتقل کیا گیا تھا، واضح رہے کہ 21 اپریل کو بچی کے سیڑھیوں سے گرنے کا واقعہ پیش آیا تھا۔

کریڈٹ: انڈیپنڈنٹ نیوز پاکستان-آئی این پی