کراچی ایک بار پھر فائرنگ کے واقعات کی لپیٹ میں آ گیا، جہاں کمسن بچے سمیت تین افراد زخمی ہو گئے، یہ واقعات سرجانی ٹائو ن، کورنگی اور اورنگی ٹائو ن کے مختلف علاقوں میں پیش آئے۔تفصیل کے مطابق سرجانی ٹائو ن کے علاقے گرین لائن بس اسٹاپ کے قریب ڈکیتی کی واردات کے دوران ڈاکوں کی فائرنگ سے 25 سالہ نوجوان احسن زخمی ہو گیا۔زخمی کو فوری طبی امداد کے لیے عباسی شہید اسپتال منتقل کیا گیا، پولیس کے مطابق واقعے کی مزید تفتیش جاری ہے۔دوسری جانب کورنگی سنگر چورنگی سیکٹر 27-C میں ذاتی جھگڑے کے دوران ہونے والی فائرنگ سے 24 سالہ عبدالقدیر زخمی ہو گیا۔زخمی کو جناح اسپتال منتقل کیا گیا، جبکہ عوامی کالونی پولیس نے زخمی کا ابتدائی بیان قلمبند کر کے مزید قانونی کارروائی کا آغاز کر دیا ہے۔ ایک اور افسوسناک واقعہ اورنگی ٹائہ ن نمبر 8 کے قریب شاداب گرانڈ کے نزدیک پیش آیا، جہاں ڈکیتی کی واردات کے دوران ڈاکوں کی فائرنگ سے ڈھائی سالہ بچہ شدید زخمی ہو گیا۔چھیپا ذرائع کے مطابق کمسن بچے کی شناخت معاویہ ولد راحیل کے نام سے ہوئی ہے جسے سینے اور ہاتھ پر گولیاں لگیں۔ بچہ اپنے والد کے ہمراہ تھا جب ڈاکوئوں نے لوٹ مار کے دوران مزاحمت پر فائرنگ کی۔چھیپا رضا کاروں نے بچے کو تشویشناک حالت میں عباسی شہید اسپتال منتقل کیا، جہاں اس کی حالت نازک بتائی جا رہی ہے۔

کریڈٹ: انڈیپنڈنٹ نیوز پاکستان-آئی این پی