گھارو پمپنگ اسٹیشن اور فلٹر پلانٹ پر بجلی کی فراہمی معطل ہوگئی جس کے باعث شہر کو پانی کی فراہمی متاثر ہوگی۔ گھارو پمپنگ اسٹیشن اور فلٹر پلانٹ پر کے الیکٹرک کی بجلی کی فراہمی میں کیبل فالٹ کے باعث پورٹ قاسم، بن قاسم ٹائون، شاہ فیصل ٹائون، پی این ایس مہران، پی اے ایف بیس فیصل اور کارساز کے علاقوں میں پانی کی فراہمی متاثر ہوگی۔ترجمان واٹرکارپوریشن کے مطابق کیبل فالٹ جمعہ کی سہ پہر 3 بجے پیش آیا جس کے باعث گھارو پمپنگ اسٹیشن سے پمپنگ مکمل بند ہوگئی اورکیبل فالٹ تاحال دور نہیں کیا جاسکا۔ترجمان نے کہا کہ فالٹ کی درستگی کے لیے واٹر کارپوریشن حکام کے الیکٹرک انتظامیہ سے مسلسل رابطے میں ہیں۔ترجمان کا مزید بتانا ہیکہ گھارو پمپنگ اسٹیشن سے شہر کو یومیہ 30 ایم جی ڈی پانی فراہم کیا جاتا ہے۔

کریڈٹ: انڈیپنڈنٹ نیوز پاکستان-آئی این پی