پاکستان ریلوے نے کراچی جانے اور آنے والی تمام مسافر ٹرینوں کے رننگ ٹائم(سفری درانیہ) میں مزید ایک گھنٹہ پانچ منٹ کا اضافہ کرلیا ، اضافہ کراچی ڈویژن اور سکھر ڈویژن میں انجینئرنگ ریسٹریکشن کی وجہ سے کیا گیا ہے ، رننگ ٹائم میں اضافے سے گاڑیاں مزید ایک گھنٹہ پانچ وقت لگا کر منزل مقصود پر پہنچے گیں مگر کاغذوں میں مسافر ٹرنیوں کی وقت کی پابندی دیکھائی جاسکے گی،گرین لائن کا سفر کادورانیہ 22گھنٹے 20منٹ کے بجائے 23گھنٹے 25منٹ اور کراچی لاہورکے درمیان سفر کاکم ازکم درانیہ 18گھنٹے 15منٹ ہوگیا۔30منٹ کراچی ڈویژن اور 35منٹ سکھر ڈویژن میں سفرکادورانیہ بڑھایاگیاہے ۔اس خبررساں ادارے کو دستیاب سرکاری دستاویزات کے مطابق پاکستان ریلوے نے کراچی سے اندرون ملک اور اندرون ملک سے کراچی جانے والی تمام مسافر ٹرینوں کے رننگ ٹائم میں ایک گھنٹہ پانچ منٹ کا اضافہ کردیا گیا ہے جس کی وجہ سے ٹرینیں مزید ایک گھنٹہ پانچ منٹ تاخیر سے منزل مقصود پر پہنچیں گی ۔ ٹائم ٹیبل میں مزید ایک گھنٹہ ڈالنے سے گاڑی مقررہ وقت میں پہنچ جائیگی جن گاڑیوں کے وقت بڑھائے گئے ہیں ان میں ملت ایکسپریس کراچی سے لالا موسیٰ کے درمیان اپنا سفر چوبیس گھنٹے پانچ منٹ کے بجائے پچیس گھنٹے 10منٹ میں مکمل کرے گی زکریا ایکسپریس 16گھنٹے 15منٹ کے بجائے 17گھنٹے بیس

منٹ میں ، شالیمار ایکسپریس 17گھنٹے 55منٹ کے بجائے 19گھنٹے ، پاکستان ایکسپریس 27گھنٹے 50منٹ کے بجائے 28گھنٹے 55منٹ، رحمان بابا 28گھنٹے 10منٹ کے بجائے 29گھنٹے 15منٹ ، سکھر 12گھنٹے کے بجائے 12گھنٹے 50منٹ ، علامہ اقبال ایکسپریس24گھنٹے 15منٹ کے بجائے 25گھنٹے 20منٹ ، ہزارہ ایکسپریس 33گھنٹے کے بجائے 34گھنٹے پانچ منٹ ، کراچی ایکسپریس 17گھنٹے 55منٹ کے بجائے 19گھنٹے ، پاک بزنس 17گھنٹے 10منٹ کے بجائے 18گھنٹے 15منٹ ، فرید ایکسپریس 25گھنٹے کے بجائے 26گھنٹے 5منٹ ،قراقرم ایکسپریس 17گھنٹے 35منٹ کے بجائے 18گھنٹے 40منٹ ،خیبرمیل 31گھنٹے 10منٹ کے بجائے 32گھنٹے 15منٹ ،گرین لائن 22گھنٹے 20منٹ کے بجائے 23گھنٹے 25منٹ اور تیزگام 25گھنٹے5منٹ کے بجائے 26گھنٹے 10منٹ پر اپنے منزل پر پہنچے گی۔ٹرنیوں کے رننگ ٹائم میں اضافہ کی وجہ سے جو مسافرٹرنیں لیٹ ہوتی تھی اب مقررہ وقت پر پہنچے گی،30منٹ کراچی ڈویژن اور 35منٹ سکھر ڈویژن میں سفرکادورانیہ بڑھایاگیاہے ۔ ترجمان نے بتایاکہ رننگ ٹائم میں اضافہ ٹریک پر انجینئرنگ ریسٹریکشن کی وجہ سے ہے تاکہ سفر کو محفوظ بنایاجاسکے ۔(محمداویس)

کریڈٹ: انڈیپنڈنٹ نیوز پاکستان-آئی این پی