سندھ ہائیکورٹ کے ججز کے گھروں میں بجلی کے بریک ڈاون پر کے الیکٹرک افسران نے عدالت میں پیش ہوکر معذرت کرلی۔ کراچی میں میں بارشوں کے دوران سندھ ہائیکورٹ کے ججز کے گھروں میں بجلی کی طویل بندش کے معاملے پر کے الیکٹرک حکام عدالتی نوٹس پر پیش ہوئے۔ سندھ ہائیکورٹ کے نوٹس کے بعد کے الیکٹرک افسران نے پیش ہوکربجلی کے بریک ڈائون پر معذرت کرلی۔ کے الیکٹرک حکام نے عدالت میں کہا کہ آئندہ بجلی کے بڑے بریک ڈائون اور فالٹ سے بچنے کیلئے حکمت عملی بنالی ہے، علاقوں میں تعینات افسران کے رابطہ نمبر اور نام فراہم کردئیے گئے ہیں۔کے الیکٹرک افسران نے عدالت کو بتایا کہ کچھ افسران کے تبادلے ہوچکے اور کوتاہی میں ملوث افسران کے خلاف کارروائی ہوگی۔واضح رہے کہ ایڈیشنل رجسٹرار کوآرڈینیشن نے 22 اگست کو ایم ڈی کے الیکٹرک کو طلبی کا نوٹس کیا تھا۔ نوٹس میں کہا گیا تھا کہ کے الیکٹرک نیپرا قوانین کے تحت صارفین کو بجلی کی فراہمی کا پابند ہے، کے الیکٹرک کوبطوریوٹیلیٹی سروس فراہم کرنے والے ادارے متبادل نظام رکھنا چاہیے۔

کریڈٹ: انڈیپنڈنٹ نیوز پاکستان-آئی این پی