کراچی کے شہری ملک میں سب سے مہنگا آٹاخریدنے پرمجبور ہیں جہاں آٹیکا 20 کلو کا تھیلا ایک ہزار 800 روپے تک میں فروخت ہورہا ہے۔شہر قائد میں بیس کلو آٹے کا تھیلا ملک کے باقی بڑے شہروں کے مقابلے میں 440 روپے تک مہنگا ہے۔ ادارہ شماریات کی دستاویز کے مطابق کراچی میں 20 کلو آٹے کا تھیلا لاہور کے مقابلے میں 420 روپے اور پشاور کے مقابلے میں300 روپے تک مہنگا ہے۔دستاویز کے مطابق اسلام آباد، راولپنڈی اور کوئٹہ کے مقابلے میں کراچی میں آٹے کا 20 کلو تھیلا 200 روپیتک مہنگا ہے جبکہ سکھر کے مقابلے میں کراچی میں آٹے کا 20 کلو کا تھیلا 440 روپے تک مہنگا ہے۔اسلام آباد اور راولپنڈی میں آٹے کے 20 کلو تھیلے کی قیمت 1600 روپے تک ہے، لاہور میں 1380 روپے، فیصل آباد اور گوجرانوالہ میں 1400 روپے، سیالکوٹ میں 1427 روپے جبکہ سرگودھا، ملتان اور بہاولپور میں آٹے کا 20کلو کا تھیلا 1467 روپے تک فروخت ہو رہا ہے۔دستاویز کے مطابق 20 کلو آٹے کا تھیلا حیدر آباد میں 1680روپے، سکھر میں 1360روپے، لاڑکانہ اور پشاور میں 1500روپے، بنوں میں 1400روپے جبکہ کوئٹہ اورخضدار میں آٹیکا 20 کلو کا تھیلا 1600روپے تک ہے۔

کریڈٹ: انڈیپنڈنٹ نیوز پاکستان-آئی این پی