کراچی میں سکھن کے علاقے میں سوڈا فیکٹری کے قریب پولیس اور ڈاکوئوں کے درمیان مبینہ مقابلے کے نتیجے میں ایک ڈاکو کو زخمی حالت میں گرفتار کر لیا گیا تھا، جبکہ اس کا ساتھی موقع سے فرار ہو گیا۔پولیس کے مطابق فائرنگ کے تبادلے کے بعد گرفتار ملزم کی شناخت شاہ محمد کے نام سے کی گئی ہے، جس کے قبضے سے اسلحہ اور موٹر سائیکل برآمد ہوئی ہے۔زخمی ملزم کو فوری طور پر طبی امداد کے لیے اسپتال منتقل کیا مگر وہ زخموں کی تاب نہ لاتے ہوئے دوران علاج دم توڑ گیا، جبکہ فرار ہونے والے ساتھی کی تلاش اور واقعے کی مزید تفتیش جاری ہے۔

کریڈٹ: انڈیپنڈنٹ نیوز پاکستان-آئی این پی