کراچی کے علاقے کلفٹن سے مبینہ طور پر لاکھوں روپے کی چوری میں ملوث گھریلو ملازم کو گرفتار کرلیا گیا، ملزم کی نشاندہی پر سونا اور نقدی بھی برآمد کرلی گئی۔پولیس کے مطابق کلفٹن کی رہائشی خاتون کی شکایت پر درج مقدمے کے تحت ان کے گھریلو ملازم واجدکو گرفتار کیا گیا ہے۔خاتون کی مدعیت میں درج ایف آئی آر کے متن کے مطابق ملزم گزشتہ 8 سال سے ہمارے گھر میں کام کررہا تھا۔گرفتار ملزم نے دوران تفتیش کئی سالوں سے گھر سے رقم اور قیمتی سامان چوری کرنے کا اعتراف کیا ہے۔ملزم نے اے ٹی ایم اور چیک بک کے ذریعے بھی رقم منتقل کی، ملزم کی نشاندہی پر سونا اور نقد رقم برآمد کرلی گئی۔ ملزم نے چوری کی رقم سے لاکھوں روپے مالیت کی جائیداد اور گاڑیا خریدنے کا بھی انکشاف کیا ہے۔

کریڈٹ: انڈیپنڈنٹ نیوز پاکستان-آئی این پی