کراچی میں گرمی کی لہر برقرار ہے، جہاں درجہ حرارت 40 ڈگری سینٹی گریڈ تک پہنچ گیا۔ محکمہ موسمیات کے عہدیدار کے مطابق گرم موسمی حالات کی وجہ سے کراچی کے شمال مغرب اور شمال مشرق میں کچھ مقامی پیش رفت ہوئی، جس کے نتیجے میں شہرقائد کے مضافاتی علاقوں میں گرد آلود ہوائیں چلنے کے ساتھ ہلکی بارش بھی ہوئی۔چیف میٹرولوجسٹ ڈاکٹر سردار سرفراز کا کہنا تھا کہ کراچی میں عام طور پر اکتوبر کے مہینے میں شدید موسمی حالات ہوتے ہیں، جو تاریخی طور پر مئی اور جون کے بعد کراچی میں سال کا تیسرا گرم ترین مہینہ ہے۔انہوں نے مزید وضاحت کی کہ اکتوبر کے دوران اکثر سمندری ہوائیں نہ چلنے کے نتیجے میں موسم گرم ہوتا ہے۔محکمہ موسمیات کے مطابق شہر قائد کا موسم اگلے چار سے پانچ دنوں کے دوران گرم اور خشک رہنے کا امکان ہے، جس کی وجہ خطے میں فضا میں ہوا کا کم دبا ٣٧ہونا ہے۔ڈاکٹر سرفراز کا کہنا تھا کہ مون سون کے بعد کا عرصہ سائیکلون بننے کے لیے موافق ہوتا ہے، مزید بتایا کہ موجودہ سسٹم شاید سائیکلون میں تبدیل نہ ہو لیکن اس کے ڈپریشن(ہوا کا کم دبائو) میں بدلنے کا امکان موجود ہے۔

کریڈٹ: انڈیپنڈنٹ نیوز پاکستان-آئی این پی