نادرا نے کراچی میں ٹی ایم سی کے ساتھ گلبرگ ٹائو ن میں نادرا کا سب سے بڑا میگا سنٹر قائم کرنے کیلئے مفاہمتی یادداشت پر دستخط کر دئیے۔ترجمان نادرا کے مطابق نادرا میگا سنٹر ہفتے میں چھ دن، 24 گھنٹے خدمات فراہم کرے گا۔سنٹر میں پاسپورٹ، تھیلیسیمیا ٹیسٹ، اسلحہ لائسنس سمیت مختلف سہولیات کے لئے الگ کائو نٹرز قائم کیے جائیں گے، جبکہ بزرگ شہریوں کے لئے خصوصی سہولت بھی فراہم کی جائے گی۔ بیان کے مطابق سنٹرل ڈسٹرکٹ کا نادرا زونل دفتر بھی اسی عمارت میں قائم کیا جائے گا۔اس منصوبے سے عائشہ منزل، سخی حسن، نارتھ ناظم آباد، نیو کراچی، ایف بی ایریا اور لیاقت آباد کے رہائشی براہِ راست فائدہ اٹھا سکیں گے۔

کریڈٹ: انڈیپنڈنٹ نیوز پاکستان-آئی این پی