کراچی مختلف حادثات میں 22 سالہ راہگیر لڑکی سمیت 4 افراد جاں بحق ہوگئے۔پہلا حادثہ کراچی کے علاقے سائٹ ایریا ہارون آباد مشین سٹاپ کے قریب پیش آیا، ریسکیو حکام کا کہنا ہے کہ متوفیہ راہگیر تھی جس کی عمر 22 سال تھی اور فوری طور پر اس کی شناخت نہیں ہو سکی جبکہ حادثہ نامعلوم گاڑی کی ٹکر سے پیش آنے کا بتایا جا رہا ہے۔پولیس اس حوالے سے متوفیہ کی شناخت کی کوششیں کرتے ہوئے حادثے کی مزید معلومات حاصل کر رہی ہے۔ ادھر ایدھی حکام کے مطابق سپرہائی وے بس ٹرمینل کے قریب ایک ٹرک کی ٹکر سے رکشا ڈرائیور جاں بحق ہو گیا۔جاں بحق ہونے والے شخص کی شناخت قطب الدین کے نام سے کی گئی، اور اس کی لاش عباسی شہید اسپتال منتقل کر دی گئی۔ ایک رور واقعے میں لانڈھی ریلوے اسٹیشن کے قریب ایک عمارت کی تیسری منزل سے گر کر ایک شخص جاں بحق ہو گیا۔ مقتول کی شناخت سید قمرالدین کے نام سے کی گئی، اور اس کی لاش جناح اسپتال منتقل کی گئی۔کے علاقے اورنگی ٹائون میں پیر و منگل کی درمیانی شب ڈاکوئوں کی فائرنگ سے زخمی ہونے والا شخص دوران علاج زخموں کی تاب نہ لاتے ہوئے جاں بحق ہوگیا ، مقتول نجی کمپنی کا ملازم اور تین بچوں کا باپ تھا۔

پولیس کے مطابق علاوہ ازیں کراچی میں پیرآباد کے علاقے اورنگی ٹائون سیکٹر فائیو ای غوثیہ مسجد کے قریب ڈاکوئوں کی فائرنگ سے ایک شخص شدید زخمی ہوگیا جسے طبی امداد کے لیے عباسی شہید اسپتال منتقل کیا گیا جہاں سے ابتدائی طبی امداد کے بعد نارتھ ناظم آباد میں واقعے نجی اسپتال لے جایا گیا۔ترجمان کراچی پولیس کے مطابق زخمی ہونے والے شخص کی شناخت 38 سالہ محمد کاشان ولد ارشاد حسین کے نام سے کی گئی ، کاشان کے سینے پر گولی لگی تھی جو پیر اور منگل کی درمیانی شب نجی اسپتال میں دوران علاج زخموں کی تاب نہ لاتے ہوئے جاں بحق ہوگیا۔ ترجمان کراچی پولیس کے مطابق واقعہ ڈکیتی کی واردات کے دوران مزاحمت کرنے پر پیش آیا ، مقتول کے کزن نے بتایا کہ محمد کاشان اورنگی ٹاون نمبر پانچ ای ڈاکخانہ کے قریب کا رہائشی اور نجی کمپنی میں ملازمت کرتا تھا جبکہ مقتول تین بچوں کا باپ تھا دو لڑکیاں اور ایک لڑکی ، چھوٹی بیٹی کی 8 ماہ قبل پیدائش ہوئی تھی۔مقتول کے کزن نے واقعے کے بارے میں بتایا کہ موٹر سایکل سوار ملزمان لوٹ مار کر کے فرار ہو رہے تھے اور پولیس اہلکار ان کے تعاقب میں لگے ہوگئے تھے اسی دوران ملزمان موٹرسائیکل سے گرے تاہم انہوں نے اٹھتے ہی اندھا دھند فائرنگ شروع کر دی۔ملزمان کی فارنگ کی زد میں آکر راہگیر کاشف سینے میں گولی لگنے سے زخمی ہوا تھا ، پولیس نے ضابطے کی کارروائی کے بعد لاش ورثا کے حوالے کر دی ۔

کریڈٹ: انڈیپنڈنٹ نیوز پاکستان-آئی این پی