کراچی میں نیشنل ہائی وے پر ڈمپر کی ٹکر سے موٹرسائیکل سوار جاں بحق ہوگیا، پولیس نے ڈمپر کو تحویل میں لے لیا۔ریسکیو کے مطابق حادثہ نیشنل ہائی وے پر ملیر کورٹ کے قریب پیش آیا، جاں بحق کی لاش جناح اسپتال منتقل کردی گئی۔حادثے کا ذمے دار ڈمپر ڈرائیور موقع سے فرار ہوگیا، پولیس نے ڈمپر تحویل میں لے لیا۔کراچی میں حالیہ مہینوں میں بالخصوص ڈمپرز اور واٹر ٹینکرز سے ہونے والے ٹریفک حادثات میں نمایاں اضافہ دیکھنے میں آیا ہے، ہسپتالوں کے اعداد و شمار کے مطابق بھاری گاڑیوں سے حادثات کے باعث 2024 میں تقریبا 500 افراد جان کی بازی ہارے اور 4 ہزار 879 زخمی ہوئے۔

کریڈٹ: انڈیپنڈنٹ نیوز پاکستان-آئی این پی