کراچی میں مائی کلاچی روڈ پر ٹریلر کی زد میں آنے سے خاتون سمیت 2 افراد جاں بحق ہوگئے۔پولیس حکام کے مطابق گزشتہ 24 گھنٹوں کے دوران ٹریفک حادثات میں 10 افراد جاں بحق ہوئے جن میں ایک بچی، ایک بچہ اور 2 خواتین بھی شامل ہیں ۔پولیس کا کہنا ہیکہ مائی کلاچی پر ٹریلر کی زد میں آنے والا نوجوان اور خاتون ٹک ٹاکر تھے جو سی ویو سے واپسی پر حادثے کا شکار ہوئے۔دوسری جانب نیٹی جیٹی فلائی اوور پر بائیک سوار نوجوان ٹریلر کی زد میں آکر جان سے گیا۔ادھر گلستان جوہر انڈر پاس میں بھی تیز رفتار کار کی زد میں آکر ایک راہگیر بچی اور ایک لڑکی جان سے چلے گئے جب کہ احسن آباد میں ایک شخص کو ٹرک کے ٹائروں تلے روند دیا گیا۔پولیس کے مطابق اورنگی ٹان سیکٹر ساڑھے 11 میں واٹر ٹینکر نے بچے کو کچل کر ہلاک کردیا ، اورنگی ٹان نمبر 5 میں بھی نامعلوم گاڑی کی ٹکر سے موٹر سائیکل سوار نوجوان جاں بحق ہوا ۔ پولیس کا بتانا ہے کہ سپر ہائی وے رینجرز ٹریننگ اسکول کے سامنے نامعلوم گاڑی کی سوزوکی موٹر سائیکل کو ٹکر کے نتیجے میں سوزوکی ڈرائیور موقع پر ہی جاں بحق ہوگیا۔ مزید برآں ہاکس بے روڈ پر بھی ٹریفک حادثے میں عرفان نامی شخص جاں بحق ہوگیا۔

کریڈٹ: انڈیپنڈنٹ نیوز پاکستان-آئی این پی