کراچی میں شارع فیصل پر مال بردار ٹرک الٹنے سے ڈرائیور اندر پھنس گیا، روڈ پر ٹریفک جام ہوگیا، ڈرائیور موت کے منہ میں جانے سے بال بال بچ گیا۔ میڈیا رپورٹ کے مطابق کراچی کہ اہم شاہراہ شارع فیصل پر کارساز فلائی اوور کے قریب مال بردار ٹرک الٹنے کا واقعہ پیش آیا ہے۔ریسکیوحکام کے مطابق حادثے کے بعد ڈرائیور ٹرک کے اندر ہی پھنس گیا تھا بعد ازاں زخمی ڈرائیور کو بحفاظت نکال لیا گیا، تاہم زخموں کے باعث طبی امداد کیلئے جناح اسپتال منتقل کردیا گیا۔زخمی ڈرائیور کی شناخت اسامہ کے نام سے ہوئی ہے، ممکنہ طور پر حادثہ ٹرک کا بریک فیل ہونے کی وجہ سے پیش آیا۔ریسکیو حکام کا کہنا ہے کہ مال بردار ٹرک شارع فیصل سے کارساز پل پر چڑھ رہا تھا اس دوران ڈرائیور کے قابو سے باہر ہوگیا۔ٹرک اوور لوڈ ہونے کی وجہ سے حادثے کا شکار ہوا، ہیوی مشینری کے ذریعے ٹرک کو سڑک سے ہٹایا جارہا ہے۔

کریڈٹ: انڈیپنڈنٹ نیوز پاکستان-آئی این پی