خیبر پختونخوا کے ضلع صوابی کے علاقے میں کلاڈ برسٹ سے ایک گھر میں کراچی سے آئے ہوئے مہمان بھی زندگی کی بازی ہار گئے۔کراچی سے صوابی گئے لوگوں کے ایک رشتے دار نے نجی ٹی وی کو بتایا کہ ہم کراچی سے صوابی گھومنے آئے تھے، 15 دن سے آئے ہوئے تھے جس کے بعد میں واپس کراچی چلا گیا۔مذکورہ شخص نے بتایا کہ میں جیسے ہی کراچی اپنے گھر پہنچا تو فون آیا کہ یہاں صوابی میں آپ کا مکان گرگیا ہے جس میں میری والدہ، تین بہنیں اور بھانجے تھے جو مٹی کے نیچے دفن ہوگئے۔انہوں نے بتایا کہ ہمارے ہاں ایسی کوئی سہولت موجود نہیں کہ گاڑی جلدی آجائے، یہاں سے سارے گاں والوں نے ہمت کی اور چارپائیوں پر نیچے لے کے گئے، یہ بہت افسوسناک واقعہ ہے، ہمارے گمان میں بھی نہیں تھا، گزشتہ کئی عرصے سے ہم یہاں نہیں آئے تھے، چاچا نے گھر بنایا تھا تو اسے دیکھنے آئے تھے۔واضح رہے کہ صوابی میں بارشوں اور کلاڈبرسٹ سے 42 افراد جاں بحق ہوئے ہیں ۔صوابی کے گاں دالوڑی بالا جہاں پر کچھ روز قبل کلاڈبرسٹ کی وجہ سے 17 گھر مکمل طور پر تباہ ہوئے اس میں 40 افراد ملبے کے نیچھے دب گئے تھے۔ڈپٹی کمشنر صوابی نصراللہ نے بتایا کہ متاثرہ علاقے میں ریسکیو آپریشن مکمل کرلیا گیا ہے،ملبے سے 40 لوگوں کو نکالا گیا ہیجس میں 37 لاشیں اور تین زخمی شامل ہیں۔

کریڈٹ: انڈیپنڈنٹ نیوز پاکستان-آئی این پی