کراچی میں بلاول ہائو س چورنگی کے قریب سیف سٹی کے سافٹ ویئر باکس کی چوری میں ملوث ملزم کو گرفتار کرلیا گیا۔پولیس کے مطابق 6 نومبر کو بلاول ہاس چورنگی کے قریب سیف سٹی پروجیکٹ کا سافٹ ویئرباکس چوری کیا گیا تھا جس کے بعد سیف سٹی کیمرے اتارلیے گئے تھے۔پولیس کا کہنا ہیکہ چوری میں ملوث مفرور ملزم کو ساتھی سمیت گرفتار کرلیا گیا ہے جب کہ ان کے 3 ساتھی پہلے ہی گرفتار ہوچکے ہیں۔ پولیس نے ملزم کی نشاندہی پر مسروقہ سامان برآمد کرلیاہے جب کہ کباڑی بھی گرفتار کیا جاچکا ہے۔واضح رہے کہ ڈسٹری بیوشن باکس سیف سٹی کیمروں کو بہتر سروس فراہم کرنے میں مدد کرتا ہے اس باکس میں لاکھوں روپے مالیت کا سامان ہوتا ہے۔

کریڈٹ: انڈیپنڈنٹ نیوز پاکستان-آئی این پی