کراچی میں سپر ہائی وے پر بلاول شاہ گوٹھ سے تشدد زدہ ہاتھ پائوں بندھی نامعلوم شخص کی لاش ملی ہے۔پولیس کے مطابق جس گھر سے لاش ملی ہے اس کے مالک نے اس گھر کا گرائونڈ فلور اور پہلا فلور کرائے پر دیا ہوا تھا لیکن پولیس کے پہنچنے پر وہ خالی تھا۔پولیس کا کہنا ہے کہ نامعلوم ملزمان نے مقتول کو سر پر پتھر یا کوئی اور وزنی شے مارکر قتل کیا ہے، واقعے کے بعد گھر میں رہائش پذیر کرائے دار گھر چھوڑ کر فرار ہوگئے۔پولیس کے مطابق گھر کے مالک کو پوچھ گچھ کے لیے طلب کیا گیا ہے۔

کریڈٹ: انڈیپنڈنٹ نیوز پاکستان-آئی این پی