کراچی کے علاقے سہراب گوٹھ میں کباڑ کے مختلف گوداموں میں آگ لگ گئی۔گودام مالکان کے مطابق گوداموں میں آگ شارٹ سرکٹ کی وجہ سے لگی، سہراب گوٹھ بڑے میدان میں گوداموں میں لگنے والی آگ کو بجھانے کے لیے فائر بریگیڈ کو پانی کی کمی کا سامنا ہے۔مالکان کے مطابق گرانڈ میں ایک ہزار سے زیادہ گودام ہیں، 30 سے زائد گوداموں میں آگ لگی ہوئی ہے، ایک گھنٹے سے فائر بریگیڈ کے پاس پانی نہیں ، ہر بار آگ لگنے پر کہا جاتا ہے کہ واٹر ٹینکر خود خرید کر لائیں۔دوسری جانب فائر بریگیڈ حکام کا کہنا ہے کہ آگ بجھانے کے لیے 4 فائر ٹینڈر کام کر رہے ہیں۔جائے وقوعہ پر پولیس اور رینجرز کی بھاری نفری تعینات ہے تاکہ کسی بھی ناخوشگوار واقعے سے بچا جا سکے اور امدادی کارروائیوں کو مثر انداز میں جاری رکھا جا سکے، ابتدائی طور پر کسی جانی نقصان کی اطلاع موصول نہیں ہوئی۔

کریڈٹ: انڈیپنڈنٹ نیوز پاکستان-آئی این پی