کراچی میں سرجانی ٹائون میں گھر سے شدید زخمی حالت میں ملنے والی 16 ماہ کی بچی بھی دوران علاج اسپتال میں جاں بحق ہوگئی جس کے بعد گھر سے ماں اور بچوں کی لاشیں ملنے کے بہیمانہ واقعے میں جاں بحق افراد کی تعداد 4 ہو گئی ، جبکہ پولیس نے مقتولہ کے شوہر کو حراست میں لے کر تفتیش شروع کر دی ہے۔ریسکیو اور پولیس حکام کے مطابق سرجانی ٹان میں پیش آنے والے اس اندوہناک واقعے میں ماں اور دو بچوں کی لاشیں موقع پر ہی ملیں جبکہ ایک بچی شدید زخمی حالت میں ملی تھی، جسے فوری طور پر جناح اسپتال منتقل کیا گیا۔ ریسکیو حکام کا کہنا ہے کہ 16 ماہ کی زخمی بچی اشمیرہ دورانِ علاج جناح اسپتال میں جاں بحق ہو گئی ۔پولیس کے مطابق جاں بحق ہونے والی خاتون کی شناخت مہوش کے نام سے ہوئی ہے جبکہ بچوں میں 5 سالہ حسنین اور 6 سالہ کشمیرہ شامل ہیں۔ ابتدائی تحقیقات کے مطابق پولیس نے خاتون کے شوہر سے تفتیش کا آغاز کر دیا ہے۔پولیس کو دیئے گئے بیان میں شوہر نے موقف اختیار کیا ہے کہ وہ اپنے سیٹھ کو چھوڑنے گیا ہوا تھا، اور جب وہ واپس گھر لوٹا تو کوئی دروازہ نہیں کھول رہا تھا۔شوہر کا کہنا ہے کہ اس نے اپنی بیوی کو بھی کافی آوازیں دیں لیکن اندر سے کوئی جواب نہیں ملا۔ پولیس واقعے کے تمام پہلوں سے مزید تفتیش کر رہی ہے۔

کریڈٹ: انڈیپنڈنٹ نیوز پاکستان-آئی این پی