کراچی میں پولیس نے 22 سال قبل دہرے قتل کے مقدمے میں نامزد اشتہاری ملزم کو گرفتار کرلیا ۔ایس ایس پی کیماڑی امجد شیخ کے مطابق ملزم نے سال 2003 میں ذاتی رنجش کی بنا پر باپ اور بیٹے کو قتل کیا تھا، مقتول سہیل اور محمد اسماعیل کو سر اور چہرے پر گولیاں ماری گئی تھیں۔ایس ایس پی کیماڑی نے بتایا کہ تھانہ بلدیہ میں 5 نامزد ملزمان کے خلاف قتل کا مقدمہ درج ہوا تھا، مقدمیکا مرکزی ملزم عرصہ دراز سے فرار تھا جو فرضی نام استعمال کرتا تھا۔ کیماڑی اور بلدیہ پولیس نے تکنیکی بنیاد پر اہم کارروائی کی جس دوران 22 سال قبل دہرے قتل کے مقدمے میں نامزد اشتہاری ملزم کو گرفتار کرلیا گیا۔ملزم عمران ناگوری عرف اقبال سیمزید تفتیش کا سلسلہ ہے جب کہ مزید قانونی کارروائی عمل میں لائی جارہی ہے۔

کریڈٹ: انڈیپنڈنٹ نیوز پاکستان-آئی این پی