سال نو کی خوشی میں کراچی کے مختلف علاقوں میں ہوائی فائرنگ کے نتیجے میں 30افراد زخمی ہو گئے جبکہ 65افراد کو گرفتار کر لیا گیا،ذرائع کے مطابق کراچی کے مختلف علاقوں میں 12بجتے ہی سال نو کا آغاز فائرنگ، پٹاخوں اور ہلے گلے سے ہوا،پولیس کے مطابق لیاری دریا آباد، رنچھوڑ لائن، ڈالمیا اور کلفٹن میں ہوائی فائرنگ سے 4افراد زخمی ہوئے جبکہ گلشن اقبال 13ڈی میں ہوائی فائرنگ سے 2افراد زخمی ہوئے، صدر، لیاری، گارڈن، سچل، کورنگی، اورنگی، سائٹ، سرجانی، ملیر، قائد آباد، گلستان جوہر، لیاقت آباد، نیو کراچی، بلدیہ، کیماڑی، سہراب گوٹھ، فیڈرل بی ایریا اور کلفٹن میں ہوائی فائرنگ اور آتش بازی کی گئی۔

کریڈٹ: انڈیپنڈنٹ نیوز پاکستان-آئی این پی