لاہور ہائیکورٹ کے الیکشن ٹریبونل نے رانا ثنا اللہ کے سینیٹ کاغذات نامزدگی کی منظوری کے خلاف دائر درخواست کو ناقابل سماعت قرار دیتے ہوئے مسترد کر دیا۔جسٹس خالد اسحاق پر مشتمل الیکشن ٹریبونل نے قرار دیا کہ درخواست گزار نہ تو ووٹر ہے اور نہ ہی رکن پارلیمنٹ، اس لئے وہ متاثرہ فریق نہیں بنتا، متاثرہ فریق نہ ہونے پر درخواست کیسے دائر کی جا سکتی ہے؟عدالت نے وقت ضائع کرنے پر درخواست گزار پر پانچ لاکھ روپے جرمانہ بھی عائد کر دیا اور درخواست کو ناقابل سماعت قرار دیتے ہوئے مسترد کر دیا۔

کریڈٹ: انڈیپنڈنٹ نیوز پاکستان-آئی این پی