لاہور کے علاقے ہئیر میں مبینہ پولیس مقابلے میں بیوی بچوں کو قتل کرنے و الا ملزم ہلاک ہوگیا جس کی شناخت عمران عرف مانی کے نام سے ہوئی ہے، اور پولیس کا کہنا ہے کہ اس سے اسلحہ بھی برآمد کیا گیا ہے۔ایس پی کینٹ نے بتایا کہ ملزم نے چند روز قبل اپنے بیوی بچوں سمیت 4 افراد کو قتل کیا تھا، اور پھر 15 پر کال کر کے اپنے بیوی بچوں کو مارنے کی اطلاع دی تھی۔پولیس کا دعوی ہے کہ ملزم نے یہ بھی کہا تھا کہ وہ اب پولیس والوں کو مارنے جا رہا ہے، جب ہیئر پولیس ملزم کو تلاش کرتے ہوئے راجا بھولا کے مقام پر پہنچی تو مبینہ طور پر ملزم نے ساتھیوں سمیت پولیس پر فائرنگ کی اور فرار ہو گیا۔ایس پی کینٹ کے مطابق پولیس اہلکاروں نے ملزمان عمران کا تعاقب کیا اور اس دوران وہ اپنے ہی ساتھیوں کی فائرنگ سے مارا گیا، جب کہ اس کے دیگر ساتھی فائرنگ کرتے ہوئے فرار ہو گئے۔

کریڈٹ: انڈیپنڈنٹ نیوز پاکستان-آئی این پی