لاہور میں ذہنی معذور نوجوان بجلی کے پول پر چڑھ گیا جسے ریسکیو حکام نے بحفاظت نیچے اتار لیا ۔تفصیل کے مطابق ذہنی معذور نوجوان کے بجلی پول پر چڑھنے کا واقعہ لاہور کے علاقے پیر مکی دربار کے قریب پیش آیا ۔رپورٹ کے مطابق بجلی کے پول پر چڑھنے کے بعد جیسے ہی نوجوان نے ہائی وولٹیج تاروں کو چھوا اسی وقت دھماکا ہوا اور بجلی چلی گئی تاہم نوجوان محفوظ رہا جس کے بعد ریسکیو اہلکاروں نے نوجوان کو بحفاطت نیچے اتار لیا۔ایس پی سٹی بلال احمد کے مطابق پولیس کی اطلاع پر ریسکیو نے بروقت کارروائی کی، نوجوان کو بحفاظت نیچے اتارا۔ذہنی معذور ہونے کے باعث نوجوان اپنا نام پتا بھی بتانے سے قاصر تھا تاہم ریسکیو ٹیم نے اسے اسپتال منتقل کیا لیکن وہ وہاں سے بھی بھاگ گیا۔

کریڈٹ: انڈیپنڈنٹ نیوز پاکستان-آئی این پی