پاکستان پیپلزپارٹی کی رہنما پلوشہ خان نے کہا ہے کہ لاہور بلاول بھٹو کے لیے نہیں مریم اورنگزیب کے لیے نیا ہوسکتا ہے۔ لاہور میں میڈیا سے گفتگو کرتے ہوئے ان کا کہنا تھا کہ مسلم لیگ(ن)کے منشور کا صرف ایک نقطہ ہے، ہماری بات ہوگئی، یہ اقتدار کی خاطر تعصب کے شعلے بھڑکانہ چاہ رہے ہیں۔ انہوں نے کہا کہ پیپلزپارٹی پنجاب میں بھرپور انتخابی مہم شروع کیے ہوئے ہے، پیپلزپارٹی کی بنیاد لاہور میں رکھی گئی، بلاول بھٹو بھی یہاں سے ہی الیکشن لڑ رہے ہیں۔ ان کا کہنا تھا کہ ایک جماعت کا دعوی ہے کہ وہ گالم گلوچ کی سیاست نہیں کرتے۔

کریڈٹ: انڈیپنڈنٹ نیوز پاکستان-آئی این پی