بانی پی ٹی آئی عمران خان کی اہلیہ اور سابق خاتون اول بشری بی بی چند روز لاہور میں قیام کے بعد پشاور روانہ ہوگئیں۔بشری بی بی نے لاہور میں اپنا دانتوں کا چیک اپ کروایا جس کے بعد پشاور روانہ ہوگئیں۔ذرائع کا کہنا ہے کہ بشری بی بی کے دانتوں میں انفیکشن ہوگیا ہے جس کا انہوں نے معائنہ کروایا۔ انہیں مسوڑھوں کے درد کی بھی شکایت ہے اور دورانِ قید بھی انھیں درد کی شکایت رہتی تھی۔بشری بی بی نے زمان پارک میں قیام کے دوران کسی پارٹی رہنما سے ملاقات یا کوئی سیاسی میٹنگ بھی نہیں کی۔یاد رہے کہ اڈیالہ جیل سے رہائی کے بعد بشری بی بی پشاور چلی گئی تھیں جہاں قیام کے بعد وہ زمان پارک لاہور آئی تھیں۔

کریڈٹ: انڈیپنڈنٹ نیوز پاکستان-آئی این پی