پنجاب کے دارالحکومت لاہور کے علاقے شاہدرہ میں گھر میں سلنڈر پھٹ گیا جس کے نتیجے میں متعدد افراد کے زخمی ہونے کی اطلاعات ہیں۔ ریسکیو حکام نے بتایا کہ سلنڈر پھٹنے سے گھر کی عمارت کو بھی نقصان پہنچا۔ ریسکیو حکام نے مزید بتایا کہ سلنڈر پھٹنے کے باعث زخمی ہونے والے شہریوں کو طبی امداد کے لیے فوری طور پر ہسپتال منتقل کردیا گیا ہے۔ واضح رہے کہ گزشتہ ہفتے بھی لاہور کے علاقے شیرا کوٹ میں گھر میں سلنڈر پھٹنے سے 5 افراد زخمی ہوگئے تھے، ریسکیو ذرائع نے بتایا تھا کہ زخمیوں میں خواتین اور بچے بھی شامل ہیں۔

کریڈٹ: انڈیپنڈنٹ نیوز پاکستان-آئی این پی