لاہور میں آن لائن ٹیکسی ایپ کے ذریعے لوٹ مار کرنے والا 4 رکنی نیٹ ورک پکڑا گیا۔رپورٹ کے مطابق پولیس کا کہنا ہے کہ آن لائن ٹیکسی ایپ سے لوٹ مار میں ملوث گروپ کے 4 ارکان کو گرفتار کرلیا گیا ہے، ٹیکسی سروس کا سافٹ ویئر آپریٹر ہی نیٹ ورک کا ماسٹر مائنڈ نکلا ہے۔سپرنٹنڈنٹ آف پولیس (ایس پی) ماڈل ٹان اخلاق اللہ تارڑ کے مطابق مرکزی ملزم فرحان آفس میں سافٹ ویئر آپریٹر کے طور پر کام کرتا تھا، ملزم فرحان اپنے دیگر 3 ساتھیوں کو جعلی اکانٹ بنا کر دیتا تھا۔انہوں نے بتایا کہ جعلی اکانٹ کے ذریعے ملزمان شہریوں کی کوریئر کی گئی اشیا چوری کرکے کر فرار ہوجاتے تھے، ملزمان اب تک لاکھوں روپے مالیت کی اشیا ایپ پر جعلی اکانٹ بنا کر لوٹ چکے ہیں۔ایس پی ماڈل ٹان نے بتایا کہ ملزمان سے لاکھوں روپے مالیت کی چوری شدہ الیکٹرانکس اشیا، کپڑے، دیگر چیزیں اور 2 پستول بھی برآمد ہوئے ہیں۔اخلاق اللہ تارڑ نے مزید کہا کہ گرفتار ملزمان میں مرکزی ملزم فرحان، کاشف، فیصل اور ولید شامل ہیں، جن کے خلاف مقدمہ درج کرلیا گیا ہے۔انہوں نے کہا کہ پولیس ٹیم نے مل کر نیٹ ورک کا پردہ فاش کیا، شہریوں کے مفادات کا تحفظ پولیس کی اولین ترجیح ہے، جرائم پیشہ افراد کے خلاف کارروائیاں جاری رہیں گی۔

کریڈٹ: انڈیپنڈنٹ نیوز پاکستان-آئی این پی