لاہور مخالفین کی فائرنگ سے جیل میں قید قتل کے ملزم کی 70 سالہ والدہ جاں بحق ہوگئیں۔ پولیس کے مطابق ہڈیارہ کے علاقے میں 4 ملزمان نے گھر میں گھس کر اندھا دھند فائرنگ کردی جس کے نتیجے میں 70 سالہ کمل بی بی موقع پر دم توڑ گئیں پولیس کا مزید کہنا ہے کہ قتل دیرینہ دشمنی کا نتیجہ ہے۔ چار ملزمان عبدالواحد، عتیق الرحمن، شوکت اور فرمان کو گرفتارکر لیا گیا ہے۔ پولیس اور فرانزک ٹیم موقع سے شواہد اکھٹے کرکے لاش تحویل میں لیکر پوسٹمارٹم کے لیے منتقل کردی۔ مقتولہ کی بیٹی زیب النسا کی مدعیت میں نامزد ملزمان کے خلاف مقدمہ درج کرلیا گیا ہے۔ مزید تفیش جاری ہے۔

کریڈٹ: انڈیپنڈنٹ نیوز پاکستان-آئی این پی