لاہور سمیت پنجاب کے مختلف علاقوں میں کہیں ہلکی اور کہیں موسلادھار بارش ہوئی۔کئی علاقوں میں وقفے وقفے سے بارش ہوتی رہی، گجرات، نارووال، سیالکوٹ، کھاریاں، پسروراور دیگر علاقوں میں موسلادھار بارش ہوئی، نشیبی علاقے زیر آب آگئے، فیڈرز ٹرپ ہونے سے کئی علاقوں میں بجلی بند ہوگئی۔ ادھر محکمہ موسمیات کی جانب سے آئندہ 24گھنٹوں میں پنجا ب، خیبرپختونخوا، گلگت بلتستان اور کشمیر میں مزید بارش کی پیش گوئی کر دی گئی، اسلام آباد، لاہور، گوجرانوالہ، منڈی بہا الدین، شیخوپورہ میں بھی مزید بادل برسیں گے۔پشاور، نوشہرہ، صوابی، مانسہرہ، ٹانک، لکی مروت اور دیگر علاقوں میں بھی بارش متوقع ہے۔

کریڈٹ: انڈیپنڈنٹ نیوز پاکستان-آئی این پی