لاہور میں غیرملکی خاتون کو ہراساں کرنیوالے ملزم کو پولیس نے گرفتار کرلیا۔تشکیل دی گئی اسپیشل ٹیم نے سیف سیٹیز اور سی سی ٹی وی کی مدد سے حسن نامی ملزم کو گرفتار کر لیا، پولیس حراست میں ملزم آئی ایم سوری کی رٹ لگاتا رہا۔ رپورٹ کے مطابق لاہور کے علاقے گرین ٹائون میں ایک اوباش نوجوان نے غیر ملکی خاتون سے چھیڑ چھاڑ کی اور اس کی رہائش گاہ تک پیچھا بھی کیا۔پولیس کے مطابق ہراسگی کا شکا نائجیرین خاتون گرین ٹائون میں فیملی کے ساتھ رہائش پذیر ہے، ہراسگی کی فوٹیج بھی جاری ہوگئی ،جس میں دیکھا گیا کہ خاتون بچے کے ساتھ گلی میں گھر کی طرف آرہی ہے کہ ایک اوباش نے اس پر آوازیں کسیں اور پھر اسیدبوچنے کی کوشش کی۔

ویڈیو میں دیکھا گیا کہ خاتون اسے باتوں میں لگا کر اپنے گھر تک لے آئی اور خود اندر چلی گئی، ملزم ڈھیٹ نکلا اور خاتون کے گھر کی گھنٹی بجاتا رہا۔ خاتون کے بجائے اس کا شوہر باہر نکلا تو اوباش نے دوڑ لگادی۔نائجیرین خاتون کی درخواست پر ڈی آئی جی آپریشنز نے ملزم کی گرفتاری کے لیے اسپیشل ٹیم تشکیل دی، ٹیم نے سیف سٹیز اور سی سی ٹی وی کی مدد سے حسن نامی ملزم کو گرفتار کر لیا، پولیس حراست میں ملزم آئی ایم سوری کی رٹ لگاتا رہا۔ملزم کی بروقت گرفتاری پر غیر ملکی خاتون نے پولیس اور پاکستانی قوم کو زبردست خراج تحسین پیش کیا۔ڈی آئی جی آپریشنز فیصل کامران کے مطابق ملزم کے خلاف مقدمہ درج کر لیا گیا ہے، قرار واقعی سزا دلوانے کے لیے مضبوط چالان بنایا جائیگا۔

کریڈٹ: انڈیپنڈنٹ نیوز پاکستان-آئی این پی