لودھراں کی تحصیل کہروڑپکا میں 50 سالہ شخص نے 20 سالہ قوت گویائی اور سماعت سے محروم لڑکی کو زیادتی کا نشانہ بنا ڈالا۔ پولیس کے مطابق لودھراں کی تحصیل کہروڑپکا کے علاقے مخدوم حسن میں ملزم نے گھر میں اکیلے ہونے کا فائدہ اٹھاتے ہوئے گھر آنے والی اپنی پڑوسی 20 سالہ کزن کو مبینہ طور پر زیادتی کا نشانہ بنایا۔ پولیس کا کہنا ہے کہ زیادتی کا واقعہ 6 روز پہلے کا ہے، واقعے کا مقدمہ درج کرکے ملزم کو گرفتار کرلیا گیا ہے۔ تفتیشی افسر کے مطابق میڈیکل کی ابتدائی رپورٹ میں لیڈی ڈاکٹر نے کہا ہے کہ ڈی این اے کے بعد حتمی رپورٹ دی جائے گی۔ پولیس کے مطابق عدالت سے قوت گویائی اور سماعت سے محروم 20 سالہ لڑکی کے ساتھ زیادتی کے الزام میں گرفتار ملزم کا دو روزہ جسمانی ریمانڈ لے لیا ہے۔

کریڈٹ: انڈیپنڈنٹ نیوز پاکستان-آئی این پی